Protestë paqësore e kampioneve

Klubi i Volejbollit Drita nga Gjilani ka mbajtur protestë paqësore për të shfaqur edhe në këtë formë pakënaqësinë për formën e ndarjes së mjeteve nga Pakoja e Rimëkëmbjes Ekonomike në Sport.

Klubit gjilanas i figuronte shuma prej 23,000€ ne vlerësimin e parë, për t’u reduktuar dukshëm në të dytin në 11,000€.

Për kampionet, rivlerësimi nga Pakoja Ekonomike për Sport, vlerësohet nënçmues dhe i papranueshëm.

Në protesta u shfaqën 18 pankarta (me ngjyrat e flamurit të Republikës të Kosovës) me 18 porosi drejtuar MKRS-së.

Numri 18, simbolizon kupat e fituara nga KV Drita ne 10 vitet e fundit.

KV Drita pas kësaj proteste pret reflektim nga MKRS, që ta marrë në konsideratë faktin si klubi më i suksesshëm i volejbollit të vajzave dhe përfaqësues i Kosovës në të gjitha nivelet e garave evropiane.

Thëniet në Pankartat e KV DRITA – Femrat ishin:

1. MKRS po na demotivon

2. Volejbolli, sporti më i suksesshëm ekipor i femrave

3. EVROPA na shikoi 14 herë në Kupat Evropiane – MKRS nuk na sheh

4. Mos e nënçmoni volejbollin femëror

5. SPORTI – Storja më e suksesshme e Kosovës

6. KOMISION – Nuk nënçmohet KAMPIONI

7. DREJTËSI për volejbollin e vajzave

8. GABIMIN mund ta përmirësoni

9. Mos i nxirrni në rrugë sportistët

10. Po e rrezikoni pasurinë tonë të çmuar

11. MOS u turpëroni

12. Investoni në SPORT, ndihmoni RININË

13. A ju bëjmë krenarë vetëm në rrjete sociale?

14. Na MOTIVONI, të vazhdojmë TUTJE

15. KV DRITA është e Kosovës

16. Jepni shembull të mirë për VAJZAT

17. 12.000€ më pak!?  minus 53%! Vetëm KAQ VLEJMË?

18. Komision – HAPI SYTË