Protestë kundër themelimit të Gjykatës Speciale

Pikërisht në orën 10: 00, kur pritet të fillojë edhe seanca plenare e Kuvendit të Kosovës , ku do të shqyrtohet amendamenti për ndryshime kushtetuese, që i hap rrugë themelimit të Gjykatës Speciale. Organizatat e dala nga lufta e UÇK-së, do të organizojnë një protestë, siç thuhet gjithëpopullore, me të cilën e kundërshtojnë themelimin e kësaj gjykate.

Në komunikatën për media të OVL UÇK-së, ku edhe jepet njoftimi për protestën thuhet se me krijimin e kësaj gjykate po degradohet lufta e Ushtrisë Çlirimtare të Kosovës.

“Nisur nga fakti se krimet dhe gjenocidi që ka shkaktuar Serbia ndaj popullit shqiptar të Kosovës, asnjëherë nuk janë ndjekur e gjykuar nga gjykatat vendore e ndërkombëtare; duke pasur parasysh se drejtësia ndërkombëtare në Kosovë, përmes UNMIK-ut dhe EULEX-it, vazhdimisht bëri akuza të njëpasnjëshme politike ndaj luftëtarëve të Ushtrisë Çlirimtare të Kosovës; për shkak se, edhe në vendimin që u shqiptua dje kundër Komandantëve dhe bashkëluftëtarëve tonë, të cilët bënë luftë kundër pushtuesit e për t’ia sjellë popullit lirin ë, shihet qartë tendenca për degradimin e luftës sonë çlirimtare; Me këtë rast ftojmë qytetarët pa dallim, që t’i bashkëngjiten masovikisht kësaj proteste, sepse nuk do të lejojmë nëpërkëmbjen e vlerave të Luftës së UÇK-së, e cila vlerë ka përmasë të kombëtare”, thuhet në komunikatën në fjalë.

Protesta do të mbahet para Teatrit Kombëtar në Prishtinë, ndërkohë që përmes një komunikatë mbështetje kësaj proteste i ka dhënë Lëvizja Vetëvendosje, deputet e të cilës u tha se edhe brenda Kuvendit do tak kundërshtojnë këtë.