Prokuroria Speciale e Kosovës ka konfirmuar për Radion Evropa e Lirë se imami i Xhamisë së Madhe në Prishtinë, Shefqet Krasniqi, është duke u intervistuar në Policinë e Kosovës. “Shtëpia e hoxhës është bastisur nga ana a Policisë se Kosovës. Tash për tash, ai është në intervistim dhe nuk ka ndonjë vendim për ndalim; për më tutje nuk e dimë se si do të rrjedhin gjërat, në bazë të intervistës së tij”, thuhet në përgjigjen e dhënë nga Prokuroria speciale.
Policia e Kosovës ka konfirmuar se është duke kryer një operacion, por nuk ka dhënë detaje për natyrën e tij apo vendin se ku po realizohet.
Shtëpia e Shefqet Krasniqit u bastis qysh para orës 6 në mëngjesit
Policia e Kosovës, kanë nisur kontrollin në shtëpinë e Shefqet Krasniqit qysh para orës 6 të mëngjesit të sotëm.
Bastisjet po ndodhin si rezultat i një operacioni të gjerë arrestimesh që kanë nisur ditë më parë për kapjen e të dyshuarve si pjesë e xhihadit në Siri. “Po, policia e Kosovës ka ardhur këtu para orës 6 të mëngjesit. Mund të them se ata kanë qëndruar brenda shtëpisë së hoxhë Krasniqit për disa orë, ndoshta më shumë se 2 orë”