Prokuroria e Shtetit nis hetimin për shitjen e biletave në tregun e zi

Çmimet e biletave për ndeshjen Kosova – Mali i Zi në tregun e zi kapën shifra jashtëzakonisht të larta.

25-300 euro ofrohej një biletë normalisht kishte kushtuar 10 apo 20 euro. Kjo dukuri negative ka shkaktuar shqetësim të madh te njerëzit, të cilët kanë reaguar.

Pas raportimit të mediave kosovare ka vepruar edhe Prokuroria e Shtetit.

“Ju njoftojmë se Prokuroria e Shtetit, bazuar në lajmet e publikuara në media ka filluar grumbullimin e informatave, në mënyrë që të verifikohen dyshimet e ngritura për shitjen e biletave për ndeshjet e zhvilluara nga Kombëtarja e Kosovës” thuhet në komunikatën e fundit.