Prokuroria e Gjilanit ka ndaluar tre persona për 48 orëve si dhe ka ngritur tetë aktakuza ndaj nëntë personave

Prokuroria Themelore në Gjilan, me urdhër të prokurorit të shtetit, ka ndaluar tre (3) persona në kohëzgjatje prej 48 orëve, si dhe ka ngritur tetë (8) aktakuza ndaj nëntë (9) personave.

Ndalimet e personave me urdhër të prokurorit:

Prokuroria Themelore në Gjilan, në një rast, me urdhër të prokurorit të shtetit, ka ndaluar tre (3) persona, dy si të dyshuar për veprën penale ”Vrasje në tentativë” dhe veprën penale ”Lëndim i rëndë trupor”, ndërkaq një (1) person është ndaluar për veprën penale ”Mospërfillja e gjykatës”.

Aktakuzat:

Katër (4) aktakuza kundër katër (4) personave, për veprën penale ”Mbajtja në pronësi, kontroll ose posedim të paautorizuar të armëve”,

Dy (2) aktakuza kundër dy (2) personave, për veprën penale ‘’Vjedhja e shërbimeve ’’,

Një (1) aktakuzë kundër dy (2) personave, për veprën penale ‘’Lëndimi i lehtë trupor ’’,

Një (1) aktakuzë kundër një (1) personi ,për veprën penale ‘’Rrezikimi i trafikut publik”. /2LONLINE/