Projektet e lagjes Malësia në qytet po finalizohen

/2L ONLINE/ – Kryetari i Komunës së Kamenicës Begzad Sinani së bashku me nënkryetarin Fatmir Matoshi dhe me bashkëpuntorë kanë inspektuar disa projekte, duke parë nga afër punimet në asfaltimin e fushës së sportit në shkollën fillore ” Dëshmorët e Kombit”, përgatitjet për asfaltimin e rrugës kryesore, asfaltimin e disa rrugëve, trajtimin e ujërave të zeza në lagjen Malësia, në qytet.

” Lagja Malësia me përmbylljen e këtyre projekteve do të duket më e bukur, asfaltimi i fushës së sportit është në vazhdën e përfundimit të shumë projekteve që janë duke u realizuar në qytet. Kjo fushë do të jetë sipas standarteve të larta nxënësit dhe mësimdhënësit e edukatës fizike do të kenë mundësi më të mira në aktivitetet e tyre, e gëzofshim të gjithë”, ka thënë Sinani.

Rregullimi i projektit të fushës së sportit është bashkëfinancim në mes të komunës së Kamenicës dhe Demosit. /2L ONLINE/