Progres në sekuestrimin dhe konfiskimin e pasurisë

Kosova ka shënuar progres të mirë në aspektin e sekuestrimit dhe konfiskimit të pasurisë së fituar me vepër penale. Vetëm në vitin 2014 janë sekuestruar 31 milionë euro, ndërsa 500 deri 1 milion euro janë konfiskuar.

Kjo u bë e ditur në një tryezë të organizuar nga Lëvizja Fol me temën “Konfiskimi i pasurisë në Kosovë – puna njëvjeçare e institucioneve”. Shoqëria civile megjithëse vlerësoi arritjen e këtyre shifrave, konsideron se ende mbetet sfidë korrupsioni i nivelit të lartë pasi ende nuk është bërë asgjë.