“Specialistët e Togut të Kërkim Shpëtimit në Male të Gardës Kombëtare të FSK-së, kanë realizuar me sukses trajnimin rifreskues rreth teknikave të kerkim shpetimit malor në kushte dimërore : teknikat e avancuara të skijimit, metodat e kërkimit dhe qasja tek personat e ngujuar nën ortek, mbijetesa në kushte të vështira dimërore, evakuimi i personave të ngecur në teleferik duke përdorë pajisje speciale për evakuim, dhe bartja e të lënduarve me barelë dimërore”, njofton FSK.
Këto trajnime kanë fokus përforcimin e njohurive për të qenë të gatshëm dhe profesional për mbështetje ushtarake autoriteteve civile kur do që e kërkon nevoja. /2LONLINE/
