Syri është një organ shumë i rëndësishëm në trupin tonë. Ai është shumë i ndjeshëm ndaj faktorëve të jashtëm dhe të brendshem të cilat lënë pasoja ndonjëherë të pariparueshme.
Problemet që hasen më shpesh në stinen e verës janë djegja e syve, kruajtja, dhe sekrecionet. Shkaqet kryesore të këtyre problemeve mund të jenë, irritimi nga uji i detit dhe i pishinave, apo edhe nga alergjitë e stines. Detyra kryesore e pacientit është të shkojë menjëherë tek mjeku specialist për të gjetur shkaqet, dhe për ta përcaktuar diagnozen e saktë.
Për tu mbrojtur nga infeksionet që dëmtojnë sytë nevojitet mbajtja e syve të diellit që të mbrohen sytë nga rrezatimet e forta të cilat janë të dëmshme për cipën e syrit. Mbajtja e syzeve të zhytjes në pishina dhe në det ose larja e syve pas daljes nga deti apo pishina.
Për tu mbrojtur nga alergjitë e stines duhet të shmangen kontaktet me faktorët ngacmues. Të shpërlahet menjëherë syri me uj të bollshëm në momentin që ndodh kontakti i pa dëshiruar nga faktori alergjik.
Këshillohet që për çdo problem të syve, qytetarët të paraqiten tek mjeku specialist i syrit e sidomos ata pas moshes 45 vjeçare të cilët preken më shumë.