Pritja e operatorit e rrit shtypjen e gjakut

Pritja e operatorit, që të lajmërohet në telefon në linjat shpesh të mbingarkuara të kompanive të telekomunikacionit, nuk është vetëm monotone por është edhe e dëmshme për shëndetin, zbulon një studim britanik.
Niveli i stresit dhe shtypjes së gjakut fillojnë shpejtë të rriten nëse pritja zgjatet shumë, ndërsa personit me shëndet mesatar i nevojiten gjashtë minuta për ta arritur pikën kritike.

Studimi i njëjtë ka zbuluar që edhe muzika në receptor, e cila do të duhej të ketë ndikim qetësues, në fakt e përkeqëson situatën.

Pjesëmarrësit e studimit kanë deklaruar që më së shumti i nevrikos muzika klasike dhe tingujt nga natyra, siç është përplasja e valës në shkëmbinj. Dr. Roger Henderson, njëri nga ekspertët më të njohur britanikë për probleme të stresit, pohon se pritja e përditshme në telefon mund të sjellë deri te një varg i problemeve serioze shëndetësore.
Ndjenja e ankthit kronik, çrregullimi në funksionimin e lukthit dhe zorrëve, janë vetëm disa prej tyre, ndërsa në rastin më të keq mund të vijë edhe deri te kriza nervore.