Pritet vikend me reshje lokale shiu

Sipas Institutit Hidrometeorologjik të Kosovës (IHMK), në këtë vikend do të ketë mundësi për reshje të shiut.

Do të mbajë mot me diell dhe pjesërisht i vranët. Vranësirat ditën e diel vende-vende kanë mundësi të shoqërohen me reshje lokale shiu.

Sipas njoftimit të IHMK-së, temperaturat minimale do të lëvizin ndërmjet 13-15 gradë celsius, kurse maksimalet e ditës parashihen të lëvizin ndërmjet 30-33 gradë celsius.

Shtypja atmosferike mbetet normale por jo stabile. Do të fryjë erë në drejtime të ndryshme me shpejtësi deri 8m/s.