Prishtina e Gjilani ndajnë pikët

SC Gjilani, në kuadër të xhiros së 30-të,  ka luajtur baras  me Prishtinën. Rezultati përfundimtar i takimit 1:1. Të dy golat u shënuan në pjesëlojën e dytë edhe atë shumë shpejtë, njëri nga tjetri.

Ishte Gjilani që kaloi në epërsi përmes golit nga penaltia që e realizoi sulmuesi Jaroviq në minutën e 61-të të takimit, por rezultati u barazua vetëm një minutë më vonë, ku për Prishtinën shënoi Bllaca.

Kështu, në një ndeshje që u luajt në stadiumin “Fadil Vokrri” në Prishtinë, skuadrat luajtën baras dhe tani skuadra “kuq e bardh” nga Gjilani ka 44 pikë, aktualisht renditët në pozitën e katërt në tabelë, derisa Prishtina mbetet e treta me 45 pikë. Ndërkohë, Malisheva tani u zhvendos në pozitën e pestë, me 43 pikë, por se e ka ndeshjen e kësaj jave të pazhvilluar, e luan nesër kundër Dukagjinit.

Pra, janë Prishtina, Gjilani e Malisheva, që mund të thuhet se po e mbajnë ndezur shpresën e tyre për daljen në Evropë, përmes, së paku pozitës së tretë. Deri në fund të edicionit kanë mbetur edhe gjashtë javë, të cilat do të jenë përcaktuese.  /2LONLINE/