Presidentja pritet të marrë vendim për shkuarjen në Beograd

Presidentja e Kosoves Atifete Jahjaga qysh muajin e shkuar ka marrë ftesën nga Komisioni Trelateral i Komisionit Evropian që në cilësinë e presidentes së Republikës së Kosovës, të marrë pjesë në konferencën rajonale që do të mbahet në Beograd nga 31 tetori deri më 2 nëntor, ndërsa ende nuk ka marrë vendim nëse do të marrë pjesë apo jo.

Jahjaga pritet të marrë vendimin këtyre ditëve, derisa pjesëmarrjen e kanë konfirmuar kryeministri i Malit të Zi, Milo Dukanoviq, presidenti i Maqedonisë, George Ivanov dhe ai i Republikës Serbe të Bosnjës, Milorad Dodik, tregon kryetari i Grupit të Komisionit Trelateral të Serbisë, Jovan Kovaçiq, për agjencinë serbe të lajmeve BETA.

“Presim edhe konfirmimin e zonjës Jahjaga dhe të anëtarit të presidencës së Bosnje e Hercegovinës, Bakir Izetbegoviqit”, ka thënë Kovaçiq.