Presidentja Osmani priti në takim avokatët e popullit nga Kosova, Shqipëria dhe Maqedonia e Veriut

Presidentja e Republikës së Kosovës, Vjosa Osmani ka pritur sot në takim Avokatin e Popullit të Kosovës, z.Naim Qelaj, Avokaten e Popullit të Shqipërisë, znj. Erinda Ballanca, Avokatin e Popullit të Maqedonisë së Veriut, z.Naser Zyberi dhe komisionarin për mbrojtje nga Diskriminimi, Republika e Shqipërisë. Z.Robert Gajda.

Në takim me ta, Presidentja Osmani ka theksuar se mbrojtja e të drejtave dhe lirive të njeriut, si dhe mbrojtja nga diskriminimi i çfarëdo lloji, është prioritet absolut i të gjitha institucioneve të vendit. Presidentja Osmani i ka inkurajuar avokatët e popullit nga të tri shtetet që ta  rrisin bashkëpunimin në funksion të mbrojtjes së të drejtave dhe lirive të njeriut, synim i cili nuk njeh kufij.

Presidentja Osmani deklaroi se besimi i qytetarëve në institucione të pavarura është bazament i demokracisë, e njëkohësisht edhe parakusht për zhvillim të vendit. Ajo poashtu tha se Institucioni i Avokatit të Popullit ka rëndësi të madhe për secilin shtet, meqë ky institucion jo vetëm që trajton ankesat e qytetarëve, por njëkohësisht edhe promovon të drejtat dhe liritë e njeriut.  /2LONLINE.com/