Presidentja Osmani: Një ditë e mbushur me energji, kreativitet dhe frymëzim në Gjilan!

Presidentja e Republikës së Kosovës, Vjosa Osmani ka qëndruar të hënën në Gjilan ku ka takuar kryetarin e Komunës s ëGjilanit, Alban Hysenin.

“Urova Kryetarin Alban Hyseni për mandatin e tij të dytë dhe bashkëbiseduam për projektet që do t’i japin qytetit më shumë zhvillim dhe mundësi të reja. Së bashku kaluam çaste të paharrueshme në Shkollën e Muzikës dhe të Arteve Pamore, me disa performanca frymëzuese nga Kori i grave ‘Muza’, si dhe në mesin e më të vegjëlve e më të ëmbëlve, në kopshtin IP “Integj””, ka thënë presidentja Osmani.

Ajo tha se po ashtu, dëgjuan për sukseset e kompanisë InterPLAST TROCAL, si lidere në rajon dhe një shembull i shkëlqyer i punës së mirë, inovacionit dhe vizionit që e çojnë shtetin tonë përpara.

“Vizituam edhe klubin e futbollit “Drita”, të cilët i përgëzova për rezultatet në nivel shtetëror, e posaçërisht në garat evropiane, në të cilat po na bëjnë krenarë të gjithëve”, ka thënë presidentja Osmani.

Nga ana e tij, kryetari i komunës së Gjilanit, Alban Hyseni u shpreh se sot patën nderin të mirëpresim Presidenten e Kosovës, znj. Vjosa Osmani, me të cilën vizituan biznese dhe u takuan me shumë qytetarë të Gjilanit.

“Gjatë vizitës u ndalëm në kompaninë “Interplast Trocal”, ku pamë nga afër punën e tyre cilësore dhe diskutuam për rolin e bizneseve lokale në zhvillimin ekonomik të qytetit tonë. Falënderojmë përzemërsisht Presidenten Osmani për vizitën, për mbështetjen dhe për interesimin e treguar për projektet dhe nevojat e Gjilanit”, ka thënë kryetari Hyseni.  /2LONLINE/