Presidentja Jahjaga priti ministrat Hyseni, Kuçi e Çollaku

Presidentja e Republikës së Kosovës, Atifete Jahjaga, priti sot në takime të ndara ministrin e Punëve të Brendshme, Skënder Hyseni, ministrin e Drejtësisë, Hajredin Kuçi, dhe ministrin e Integrimeve Evropiane, Bekim Çollaku për t’i bashkërenduar veprimet ndërinstitucionale në përmbushjen e rekomandimeve të mbetura në kuadër të dialogut për liberalizimin e vizave për qytetarët e Kosovës.

Presidentja Jahjaga dhe ministrat Hyseni, Kuçi dhe Çollaku u pajtuan për dinamikën e zbatimit të të gjitha rekomandimeve të mbetura për liberalizimin e vizave deri në qershor.

Presidentja Jahjaga së shpejti do të ftojë takimin e radhës të Këshillit Kombëtar për Integrim Evropian ku do të diskutohen dhe vlerësohen hapat e përbashkët në përmbylljen me sukses të këtij procesi.