Presidentja Jahjaga e gatshme për ndërhyrje

Presidentja Atifete Jahjaga pritet të ndërhyjë në zgjidhjen e ngërçit politik, në rast se dështon zgjedhja e kryetarit të Kuvendit në seancën e së enjtes. Kjo është konfirmuar nga këshilltari i presidentes, Arbër Vllahiu, transmeton Tribuna.

Presidentja, sipas tij, do të luajë rolin e saj kushtetuese në lehtësimin dhe diskutimin në mes të forcave politike. Megjithatë, ai thotë se nuk duhet të paragjykohet asnjë situatë, por duhet t’u lihet deputetëve të Kuvendit që të gjejnë zgjidhje bazuar në vendimin e Gjykatës Kushtetuese dhe në respektimin e kushtetutës.