Presidenti Thaçi uron sekretarin e ri të Kombeve të Bashkuara për marrjen e detyrës

Presidenti Thaçi uron sekretarin e ri të Kombeve të Bashkuara për marrjen e detyrës

Presidenti i vendit, Hashim Thaçi, ka uruar sekretarin e ri të Përgjithshëm të Kombeve të Bashkuara, António Guterres, për marrjen e detyrës. Në telegramin e urimit, presidenti Thaçi ka shprehur bindjen dhe besim e tij për përkushtimin e sekretarit Guterres në forcimin e rolit të organizatës më të rëndësishme globale të kombeve dhe shteteve të lira.

Ky është telegrami i presidentit Thaçi dërguar Sekretarit të Përgjithshëm të Kombeve të Bashkuara:

Shkëlqesia Juaj,

Në emër të qytetarëve dhe institucioneve të Republikës së Kosovës, Ju uroj marrjen zyrtare të detyrës së sekretarit të Përgjithshëm të Kombeve të Bashkuara.

Republika e Kosovës si shtet i ri dhe demokratik po jep kontribut të vazhdueshëm për paqen në rajon, për rritjen e bashkëpunimit me shtetet fqinje dhe realizimin e synimeve euroatlantike.

Shteti ynë dhe institucionet e tij zotohen për bashkëpunim të ngushtë me Ju dhe mbeten të përkushtuara në rrugëtimin e vendit drejt anëtarësimit në Kombet e Bashkuara.

Shpreh bindjen dhe kam besim të plotë për përkushtimin tuaj në forcimin e rolit të organizatës më të rëndësishme globale të kombeve dhe shteteve të lira.

Hashim Thaçi

President i Republikës së Kosovës

KOMENTE

WORDPRESS: 0
DISQUS: 0