Presidenti, Kryeministri dhe Kryeparlamentari e harrojnë heroin Agim Ramadani

/2L ONLINE/ – Javën qe lamë pas ishte datëlindja e Heroit Agim Ramadani, ku u mbajt manifestimi tradicional “Ditët e Agimit”, por për çudi askush nga klasa politike qendrore nuk ishte në këtë manifestim, nuk munden të gjenin kohë as Presidenti i sapozgjedhur, as Kryeministri e as Kryeparlamentari. Pothuajse njëjtë ndodhi edhe me Akademinë Përkujtimore që u mbajt në Prishtinë ku i pranishëm ishte vetëm Ministri i Forcës së Sigurisë dhe disa bashkëluftëtarë të Zonës Operative të Dukagjinit, Brigada 138, por në këtë Akademi Përkujtimore nuk ishte asnjë politikan si përfaqësim nga vendi që e rriti heroin.

Ndërsa, të gjithë këta të lartpërmendur vijnë kur të mbahen zgjedhjet atëherë kur duhet të marrin vota, po pra në atë kohë të gjithë e kujtojnë Agimin. Siç duket figura e heroit i anës së Anamoravës po zbehet pasi që klasa politike po e harron se kush ishte i pari që e nisi krismën për tu thyer kufirin shqiptaro shqiptar.

E sot “ata” kur të zgjohen nga gjumi, nisen për Gërmi, për të pirë kafen e mëngjesit me tri vetura zyrtare me sirena të lëshuara, ndërsa komandantin e harruan dhe nuk gjetën kohë për ta përkujtuar. /2L ONLINE/