Presidenti Ibrahim Rugova rrokullisi historinë!
Aferdita Morina-Biffar
Xhorxh Bush e kujtoi udhëheqsin shqiptar duke thënë se, “Shtetet e Bashkuara, me vdekjen e Presidentit Rugova, humbën një mik me të vërtetë të madh, i cili siguroi gjithashtu edhe respektin e të gjithë botës për qëndrimet e tija kundër dhunës.”
Presidenti tjetër amerikan, demokrati Bill Klinton, i cili kishte takuar shpesh ish-udhëheqsin e Kosovës, ka thënë se ”nuk kishte avokat më të mirë që të shpjegonte më mirë hallet e kombit shqiptar dhe të drejtat e tija”, se sa Presidenti Ibrahim Rugova.
Toni Bler, duke kujtuar takimin e tij me Presidentin Rugova në fund të vititit 1998, tha se Presidenti Rugova “ishte i qetë, një njeri shumë modest….Ai më tha të vërtetën për Kosovën. Për vuajtjet e popullit të vet, për nevojën që bota të dëgjonte (për fatin e shqiptarëve të Kosovës) si dhe për obligimin e botës për të ndërhyrë. Ai nuk bërtiste dhe nuk u përpoq të më bindë me sllogane ose me gjeste ekstravagante. Ai foli me një zë të ulët por me sinqeritetin më të madh… duke më kërkuar ndihmë për popullin e vet….Unë i thashë Britania e Madhe do të ndihmojë. Unë ia dhashë atij ‘’Besën’’, dhe besën ia mbajta’’ tha Zoti Bler.
“Është e vërtetë që e kam kritikuar Rugovën. Ju tani mund të mendoni se, unë do të them se kisha të drejtë me kritiken që i bëra Rugovës. Jo, koha e dëshmoi se, e drejta ishte në anën e Ibrahim Rugovës. Unë e kisha kritikuar, kisha qenë i ashpër me të, ai më fali në takimin që kishim në shtëpinë e tij menjëherë pas luftës, ishte meritë e tij. Ai vdiq në paqe, ne u pajtuam, ishim miq”, kështu ka thënë Kadare në Këln.
Rugova ashte nji njeri i rralle, nji ne cdo njiqind vjet, dhe sot ai ashte shpirti i Kosoves.” shprehet prof. Musa Jupolli, i Universitetit te Parisit.
”Trashëgimia e Rugoves nuk është privilegj, është përgjegjësi… Trashëgimia e Rugoves nuk ka të bëjë me inate,me provincializma, me tarafe me klane, me interesa të ngushta e meskine,…Trashëgimia e Rugoves është pajtimi në kundershti,… është respekti për njëri -tjetrin, sidomos për kontributin në dobi të Kosovës” Enver Bytyqi (autori i librit „ Filozofia politike dhe nacionale e Ibrahim Rugoves“)
Njeriu i suksesshëm nuk është vetjak. Dëshira e tij më e madhe është t’i shërbejë njerëzimit. E pra, i tille ishte Presidenti Ibrahim Rugova. Ai kurrë nuk humbi por gjithmonë fitoi ! Babai i Kosovës modern !
*Anëtare e kryesisë së degës së LDK-së Prizren
http://botasot.info/opinione/361932/presidenti-ibrahim-rugova-rrokullisi-historine/