Presidenti i KOK-ut, Ismet Krasniqi mirëpret sportisten e boulingut Kaula Haziri, fituese e medaljes së artë në Kroaci

Ismet Krasniqi, President i Komitetit Olimpik të Kosovës (KOK)  priti në takim sportisten e bowlingut Kaula Haziri, e cila së bashku me trajnerin e saj mori pjesë në Kampionatin Mesdhetar të Boulingut.

Me këtë rast, Krasniqi e përgëzoi Hazirin për suksesin e madh të arritur në Kroaci, ku ajo u shpall kampione në Mastersin e Kampionatit Mesdhetar të Boulingut, duke fituar medaljen e artë, transmeton 2LONLINE.

Kaula Haziri u dallua në një garë me 30 pjesëmarrëse, ku u kualifikua në fazën Masters së bashku me shtatë garuese të tjera dhe në ndeshjet me eliminim regjistroi tri fitore të rëndësishme drejt titullit.

Presidenti i KOK-ut, Ismet Krasniqi vlerësoi përkushtimin e saj dhe angazhimin që çuan drejt këtij suksesi ndërkombëtar.  /2LONLINE/