Presheva shpalli gjendjen e jashtëzakonshme për shkak zjarreve, kërkon asistencë ajrore nga Qeveria e Serbisë
Komuna e Preshevës shpalli gjendjen e jashtzakonshme pas zjarrev të mbrëmshme afër fshatit Corroticë të komunës së Preshevës.
Postimi i plotë në Facebook nga komuna e Preshevës:
Vendimet e Shtabit për Situata të Jashtëzakonshme
Si pasojë e gjendjes emergjente, me paraqitjen e zjarreve me lokacion në fshatin Corroticë;
– Shpallet gjendje e jashtëzakonshme.
– Obligohet NP Moravica, për sigurimin e cisternave me ujë për fikjen e zjarreve.
– Obligohet Drejtorati për Investime, Punë Komunale dhe Ndërtimore, për sigurimin e makinerive të përshtatshme për eleminimin e problemit në tërësi.
Njoftohen qytetarët se për situatën e jashtëzakonshme, është i informuar edhe Shtabi i Situatave të Jashtëzakonshme në Vranjë, të cilët kanë dërguar makineritë e tyre për t’i dalë në ndihmë situatës aktuale.
Për gjendjen e jashtëzakonshme, është e njoftuar edhe Qeveria e Serbisë, për të dërguar asistencë ajrore.