Presheva proteston për 28 nëntor

Festa e flamurit kombëtar shqiptarë në Luginë edhe këtë viti do të shënohet duke protestuar për të gjitha pakënaqësitë që janë duke iu bërë popullatës shqiptarë të këtij rajoni.

Kuvendi komunal i Preshevës të enjten më 28 nëntor  do të mbajë seancë për nderë të kësaj feste dhe sipas burimeve të Titullit këshilltarët komunal do të aprovojnë një  një deklaratë me kërkesa konkrete për zgjidhjen e shumë problemeve të grumbulluara më dekada të tëra.

Të njëjta burime flasin se deklarata do t’i drejtohet organeve qeveritare dhe atyre ndërkombëtare në Beograd, ku do të kërkohet si shumë herë të tjera zgjidhja e problemeve politike, ekonomike dhe atyre të sigurisë në Luginë të Preshevës.

Menjëherë pas seancës do të zhvillohet tubimi protestues në Sheshin e Dëshmorëve në Preshevë para objektit të komunës.

Ndërsa,  sot Këshilli Komunal I komunës së Preshevës në mbledhjen e vet të rregullt ka formuar edhe këshillin organizativ për shënimin e festës së 28 Nëntorit – ditës së flamurit kombëtarë./Titulli.com/