Prerja ilegale po rrënon pyjet e Kamenicës!

/2L ONLINE/ – Çdo ditë, kamionë të ngarkuar me dru të sapoprerë zbresin nga fshatrat e Malësisë në Kamenicë, për të vazhduar më pas rrugën për në qytete të tjera të Kosovës. Malet janë zhveshur dhe peisazhi është i trishtueshëm, si rezultat i prerjeve të pakontrolluara dhe të paligjshme, shkruan Kamenicapress (fb). Autoritetet kompetente kanë dështuar në ndalimin e kësaj dukurie. Para syve të tyre kalojnë qindra metër kub dru, me letra e pa letra. Prerësit ilegalë përdorin të gjitha rrugët, përfshirë edhe ryshfetin, ndërsa organet kompetente bëjnë sytë qorr përballë këtij shkatërrimi të pamëshirshëm. /2L ONLINE/