Prekazi i Jasharëve vërtetoi se rruga për liri e popullit shqiptar ishte e pakthim

Ish-kryetari i Kuvendit të Kosovës, Jakup Krasniqi, e ka rikujtuar 22 Janarin, ditën kur Jasharajt e Prekazit, ishin sulmuar për herë të parë nga ushtria serbe.

Ai në një postim në Facebook ka shkruar se qëllimi i këtij sulmi ishte zhdukja e komandantit legjendar, Adem Jashari dhe dhënia e një goditje vdekjeprurëse ndaj UÇK-së.

Lexoni postimin e plotë të Krasniqit:

PËRKUJTOJMË 18 VJETORIN E SULMIT DIVERSANT SERB NË FAMILJEN JASHARI

Sot u mbushen tetëmbëdhjetë vjet nga sulmi diversant serb mbi familjen Jashari. Me 22 Janar 1998, shteti serb kishte organizuar sulm diversant serb në familjen Jashari. Qëllimi i sulmit në shtëpinë e Jasharëve kishte qellim të zhdukjes se Komandantit Legjendar, Adem Jashari, për t’i dhënë një goditje vdekjeprurëse Ushtrisë Çlirimtare të Kosovës dhe për të përjetësuar sundimin serb në Kosovë.

Familja e Jasharëve u goditë me armë të ndryshme automatike e murtaja dore. Atë natë Ademi nuk ndodhje në shtëpi. Luftuan i ati, Shaban Jashari, i vëllai, Hamza dhe anëtarë të tjerë të familjes, edhe ata të moshës së re siç ishte Kushtrimi, djali më i vogël i Ademit. Gjatë këtij sulmi diversant nga Jasharët u plagosen: Ilirianë e Selvete Jashari. Armiku edhe pse sulmin e kishin bërë në mënyrë shumë tinëzare, për herë të dytë, u detyrua të tërhiqej pa ia arritur qëllimit të tij.

Edhe kësaj radhe u vërtetua nga Prekazi i Jasharëve, se rruga për liri e popullit shqiptar ishte e pakthim. Jasharët ishin balli dhe shpirti i asaj rruge!

I përjetshem qoftë kujtimi për Jasharët Legjendar!