Posta e Kosovës sërish kërkon kujdesin e qytetarëve të mos bien pre e mashtrimeve me SMS

Posta e Kosovës njofton qytetarët që të mos bien pre e një mashtrimi. Palë të panjohura u kanë dërguar edhe sot SMS qytetarëve, duke u paraqitur në emrin e Postës së Kosovës.

Menjëherë pasi është njoftuar për këtë, Posta e Kosovës ka informuar organet kompetente dhe po bashkëpunon me to.

Posta e Kosovës ka njoftuar qytrtarët se prezenca e tyre është vetëm në kanalet zyrtare, duke brë të ditur sajtin dhe rrjetet sociale të saja si dhe numrat e telefonit.

“Të nderuar qytetarë, ju lutëm mos klikoni asnjë link të dërguar përmes këtyre mesazheve dhe të mos bashkëpunoni me numra që nuk janë të Postës së Kosovës.  Në asnjë rast, Posta e Kosovës nuk do t’ju kërkojë të dhëna personale apo numër kartele bankare. Edhe posta të tjera në rajon janë sulmuar nga keqbërës të ngjashëm.  Posta e Kosovës është e përkushtuar për t’i mbrojtur qytetarët dhe për të bashkëpunuar me organet relevante”, thuhet në njoftimi ne postës.   /2LONLINE/