Portat mbesin të paprekura në derbin Drita – Gjilani

Derbi i Superligës së Kosovës në Futboll në mes të Dritës dhe Gjilanit përfundoi pa fitues, madje portat mbetën të paprekura, ndonëse të dyja ekipet kishin mundësi të mira shënimi përgjatë 90-të minutave lojë.

Ishte një tjetër përballje e zjarrtë në futbollin kosovar ku dy skuadrat gjilanase që shquhen për rivalitetin e tyre të madh, mëtuan fitoren, por ja që barazimi pa gola ishte epilog i këtij derbi.

Ndeshja që u zhvillua në kuadër të javës së gjashtë në Superligë së Kosovës në Futboll i solli të dyja ekipet vetëm nga një pikë. Tani Gjilani ka 11 pikë, aktualsiht mban pozitën e tretë, ndërsa Drita ka 8 pikë, ndodhet në pozitën e gjshtë, por edhe një ndeshje më pak të zhvilluar, atë me Prishtinën, e shtyrë për shkak të angazhimeve të skuadrës së Dritës në Evropë.  /2LONLINE/