Kryeministri i Rumanisë, Victor Ponta, ka thënë se shteti i tij mund ta njohë Kosovën. “Në vitin 2008 Rumania pati marrë vendim për mosnjohjen e Kosovës, por gjërat kanë ndryshuar që nga atëherë. Qeveritë kanë ndërruar dhe mund të ketë një vendim të ri për njohjen e Kosovës”, ka thënë Ponta për “Klan Kosovën”, pas përfundimit të Samitit të Liderëve të Evropës Juglindore, që u zhvillua në Tiranë.