Policia zvicerane zbulon komplotin e xhihadistëve për vrasjen e presidentit gjerman

Autoritetet zvicerane po hetojnë një komplot të disa radikalëve islamikë që kanë lidhje të ngushta me militanët e ISIS-it, të cilët planifikonin të vrasin presidentin gjerman, Joachim Gauck, raporton e përditshmja gjermane Berliner Morgenpost.

27-vjeçari, Osama M. është rënduar me akuza nga autoritetet zvicerane për përgaditjen e një sulmi terrorist me eksplozivë dhe gazra helmues, target i të cilit ishte Presidenti Gjermanisë, transmeton Indeksonline.

Xhihadisti Osama M. mendohet se sulmin kishte ndërmend ta kryente në pallatin “Bellevue”, residenca zyrtare e Presidentit në Berlin. Poashtu, të dyshuarit kishin ndërmend që të sulmonin edhe spitalin ushtarak të Gjermanisë, dhe ndërtesën që i përket gjigandit farmaceutik “Bayer”.

I njëjti dyshohet se provonte të formonte celula të terrorizmit brenda Zvicrës.

Ai ishte arrestuar në mars të 2014-ës në veri të Zvicrës. Policia raporton se ai e quante veten “luftëtar i njohur dhe i respektuar” nga ISIS-i.

Besohet se Osama M. ka patur lidhje me militantë të ISIS-it në Siri, Austri, Gjermani dhe Britani të Madhe. /Indeksonline/