Policia në Rajonin e Gjilanit shton angazhimet në zbatim të vendimit të Qeverisë për respektim të masave anti-Covid

Në kuadër të zbatimit dhe implementimit të vendimit të fundit të qeverisë së vendit për masat anti-Covid-19, për zbatimin e masave të parapara zyrtarët policorë të DRP në Gjilan kanë shtuar angazhimin dhe aktivitetin në terren për zbatimin e masave të parapara me vendimin e fundit të qeverisë.

Duke u bazuar në Urdhrin Operativ për parandalim dhe reagim ndaj pandemisë  COVID-19,  në të gjitha (shtatë)  komunat e Rajonit të Gjilanit,  Policia e Kosovës ka shtuar masat veçanërisht në hapësirat  ku ka frekuentim më shumë të qytetarëve si në sheshe, në lokalet e gastronomisë, në qendrat tregtare, kontrollet taksistëve, transportin e udhëtarëve me autobusë, transportues tjerë ekonomik.

Angazhimet e Drejtorisë Rajonale në Gjilan do të vazhdojnë dhe bëhen me qëllim të ruajtjes së shëndetit publik dhe evitimin e përhapjes së pandemisë e cila ditëve të fundit ka pasur një përhapje tejet të madhe edhe në rajonin e Gjilanit.   

Drejtoria Rajonale në Gjilan, apelon tek qytetarët që të respektojnë këto masa si dhe masat tjera të parapara në vendimin e fundit të Qeverisë si dhe udhëzimet e  ekspertëve shëndetësor në mënyrë që së bashku të parandalojmë dhe ta përballojmë pandeminë me më pak pasoja për shëndetin e përgjithshëm të popullatës sonë.

Vken të ceket se nga ora 08:00 deri ne ora 16:00 janë shqiptuar njëqind (100) fletparaqitje përkatëse edhe tri vërejtje

Ndaj të gjithë personave të cilët nuk zbatojnë masat e parapara, policia do të ndërmarrë masa sipas autorizimeve dhe kompetencave ligjore të parapara me Ligjin për parandalimin dhe luftimin e pandemisë Covid-19.

Policia e Kosovës në rajonin e Gjilanit rikujton qytetarët  me  masat e ndërmarra nga Qeveria e Kosovës nga sot 30 gusht 2021, nga ora 22:00 deri në ora 05:00, kufizohet qarkullimi i qytetarëve

Policia e Kosovës në rajonin e Gjilanit njofton bazuar në vendimet e institucioneve vendore dhe ligjeve në fuqi do të ndërmerr edhe masa ndëshkuese ndaj shkelësve të ligjit.  /2LONLINE.com/