Policia në Pogragjë të Gjilanit ndalon transport ilegal të 13 qengjave pa dokumentacion

Policia e Kosovës ka njoftuar se në fshatin Pogragjë të Gjilanit është evidentuar një rast i transportit ilegal të kafshëve.

Sipas informacionit zyrtar, rasti ka ndodhur më 24 maj 2026, rreth orës 05:55, kur njësiti policor ka ndaluar një automjet që drejtohej nga një i dyshuar mashkull kosovar. Gjatë kontrollit, në automjet janë gjetur 13 qengja, të cilët po transportoheshin pa dokumente përcjellëse.

Lidhur me rastin është njoftuar prokurori kompetent, i cili ka bërë cilësimin e rastit. Me urdhër të tij, i dyshuari është intervistuar dhe më pas është liruar në procedurë të rregullt.

Ndërkaq, procedurat e mëtejme që lidhen me çështjen e kafshëve do të trajtohen nga Agjencia e Ushqimit dhe Veterinarisë. /2LONLINE/