Policia në 24 orë: Për Rajonin e Gjilanit, raportohen raste të, vdekjes së dyshimtë, armëmbajtës pa leje, dhunës në familje…

Raporti 24 orësh nga Policia e Kosovës, Drejtoria Rajonale e Gjilanit

INCIDENTET KRIMINALE

VDEKJE E DYSHIMTË

Gjilan 22.02.2022 – 22:55.  Është raportuar se nga familjarët e saj është gjetur pa shenja jete viktima e mitur femër kosovare. Njësitë relevante të policisë dhe ekipi mjekësor kanë dalë në vendin e  ngjarjes ku nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion.

ARMËMBAJTJE PA LEJE

·         Fsh. Kabash, Viti 23.02.2022 – 20:55.  Është arrestuar i dyshuari mashkull  kosovar për shkak se në shtëpinë e tij gjatë bastisjes, njësiti policor ka gjete dhe sekuestruar një pushkë gjysmë automatike. Me urdhër të prokurorit i dyshuari pas intervistimit është liruar në procedurë të rregullt.

·         Fsh. Kabash, Viti 23.02.2022 – 20:55.  Është arrestuar i dyshuari mashkull  kosovar për shkak se në shtëpinë e tij gjatë bastisjes, njësiti policor ka gjete dhe sekuestruar një pushkë ajrore dhe një pistoletë me gaz. Me urdhër të prokurorit i dyshuari pas intervistimit është liruar në procedurë të rregullt.

DHUNË NË FAMILE & LËNDIM I LEHTË TRUPOR

Viti 23.02.2022 – 21:53. Është arrestuar i dyshuari mashkull  kosovar për shkak se kishte ushtruar dhunë fizike ndaj bashkëshortes së tij, viktimës femër kosovare. Si pasojë e dhunës fizike viktima ka pranuar tretman mjekësor. I dyshuari me vendim të prokurorit është dërguar në mbajtje për 48 orë.

RASTET TJERA – NGJARJET:

AKSIDENT TRAFIKU ME LËNDIME

Rr. Qarkore, Gjilan 23.02.2022 – 14:20. Ka ndodhë një aksident trafiku në mes të dy automjeteve me ngasës meshkuj kosovarë. Si pasojë e aksidentit lëndime trupore ka pësuar një pasagjere e cila pas marrjes së tretmanit mjekësor është liruar në shtëpi.