Policia me ligjëratë informuese me temë: “Parandalimi i ngacmimeve seksuale në shkollë”

Njësiti i Policisë në Komunitet kanë mbajt ligjëratë në shkollën fillore “Abaz Ajeti “, në Gjilan me temën: “Parandalimi i ngacmimeve seksuale në shkollë”, ka bërë me dije Toger Ismet Hashani, nga Zyra për Informim, Drejtoria Rajonale e Policisë në Gjilan.

“Në këtë ligjëratë kanë marrë pjesë rreth 80 nxënës të klasave të shtata (7) dhe të teta (8). Nxënësit u falënderuan për ligjëratën,  ishin shumë të interesuar dhe parashtruan pyetje rreth temës dhe pyetje në interes të sigurisë së përgjithshme. Po ashtu ata u ndanë të kënaqur edhe me përgjigjet që morën nga zyrtarët e policisë gjegjësit nga Njësia për Komunitet e Stacionit Policor në Gjilan”, ka thënë zëdhënësi Hashani.

Sipas tij, Njësiti i Policisë në Komunitet do të vazhdojë me ligjërata në këtë temë dhe tema të tjera edhe në të ardhmen. /2LONLINE/