Policia me ligjërata vetëdijesuese për nxënësit e shkollave fillore në Gjilan
Policia e Kosovës, njësia për komunitet, në bashkëpunim me njësinë e hetimeve kriminale nga stacioni policor i Gjilanit, në kuadër të strategjisë “Policia në Komunitet”, janë duke realizuar projektin e ligjërimit nëpër shkollat fillore me temën ”Parandalimi i Ngacmimeve Seksuale në Institucionet Shkollore”.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se ligjërata është duke u realizuar në tetë shkolla fillore të Gjilanit me klasat e nënta dhe do të vazhdon gjatë javës së ardhshme edhe në shkollat tjera të qytetit.
“Po ashtu në realizim të ligjëratës janë duke asistuar edhe arsimtaret e edukatës qytetare me te cilët po harmonizohet kjo teme, me qellim që nxënësit të marrin njohuri rreth kësaj dukurie dhe gjetjen e mënyrës se parandalimit”, ka thënë zëdhënësi Hashani.
Sipas itj, Policia e Kosovës është e përkushtuar dhe vepron në krijimin e një ambienti të qetë dhe prosperues për të gjithë.
