Policia me fushatë vetëdijësuese për qytetarët

Drejtoria Rajonale e Policisë në Gjilan, njësiti Sektorial i Stacionit Policor në Gjilan, në kuadër të zbatimit të planit operacional ,,Sezoni Veror 2022’’, sot me datën 08/07/2022 kanë zhvilluar një fushatë vetëdijësuese në disa pjesë të qytetit të Gjilanit.

Gjatë këtij aktiviteti janë shpërndarë fletëpalosje të cilat u bëjnë thirrje qytetarëve me theks të veçantë bashkatdhetarët që së bashku të kontribuojmë për sigurinë e përgjithshme në të mirë të të gjithë qytetarëve.

Policia përmes kësaj fushate apelon të qytetarët që të bëjnë kujdes për sigurinë e tyre dhe të tjerëve, me theks të veçantë që:

• Mos i leni çantat e dorës në vetura

• Mos i leni portofolët në vetura

• Mos i leni celularët në vetura

Drejtoria Rajonale e Policisë në Gjilan, inkurajon qytetarët dhe mediat që për të gjitha dukuritë negative që i vërejnë të njoftojnë Stacionin më të afërm të Policisë, apo përmes aplikacionit digjital “Lajmëro Policinë” dhe numrat kundestarë:192; 03850807001. Të dhënat e juaja do të ruhen në konfidencialitet të plotë.

Policia e Kosovës punon dhe vepron për një ambient të qetë dhe të sigurt për të gjithë qytetarët. /2LONLINE/