Drejtoria Rajonale e Policisë në Gjilan, njësiti i Komunitetit të stacionit policorë në Gjilan, në zbatim të Strategjisë së Udhëhequr nga Inteligjenca dhe Policimi në Bashkësi, e bazuar në aktivitetet e parapara nga projekti për “Parandalimi e aksidenteve në trafik”, kanë realizuar aktivitetet të planifikuara me nxënës të shkollës fillore “Thimi Mitko” këtu në Gjilan.
Nxënësve dhe kalimtarëve të rastit u janë shpërndarë fletë palosje me porosi “Kalimi i rrugës në mënyrë të sigurt në vendkalim për këmbësor”.
Aktivitetet kanë qenë të koordinuar në konsultim dhe bashkërendim me drejtorinë e shkollës, dhe janë mirëprit si nga nxënësit ashtu edhe nga stafi i shkollës .
Policia e Kosovës punon dhe vepron për një ambient të qetë dhe të sigurtë për të gjithë qytetarët. /2LONLINE/
