Policia me aktivitet të përbashkët në trafik me të rinjtë e organizatës rinore “Fuqia e bashkimit rinor”

Aktivitete në trafikun rrugor

Njësiti rajonal i trafikut rrugor në Gjilan, në vazhdën e implementim i planeve operativ ,,Siguria në trafikun rrugor’’ dhe “Sezoni dimëror” me datën 21.11.2023 ka realizuar një aktivitet të përbashkët në trafik me aktivistë dhe studentë të organizatës rinore “Fuqia e bashkimit rinor”, thuhet në njoftimin e policisë.

Qëllimi i këtij aktiviteti ka qenë kontrolli dhe vetëdijesimi i ngasësve të automjeteve në respektim të ligjit mbi rregullat e trafikut rrugor, pajisja dhe përdorimi i pajisje të duhura dimërore në automjete, gjendja teknike e rregullt e automjeteve, shmangien e përdorimit të celularit gjatë drejtimit etj.

Njësitet policore të Drejtorisë rajonale të Policisë Gjilan vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet. /2LONLINE/