Policia e Kosovës në kuadër të aktiviteteve “Policia në komunitet” ka realizuar një ligjërata në shkollën fillore “Musa Zajmi” në Gjilan, me nxënësit e klasave të teta dhe nënta me temat: Siguria në përgjithësi, Delikuenca e të miturve, Dhuna ndaj bashkëmoshatarëve, Pasojat dhe rreziku nga përdorimi i armeve te ftohta, Krimet që kryhen përmes Internetit si dhe Duhani, Droga dhe Alkooli.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se nxënësit e pranishëm ne këta ligjëratë kane shprehur interesimin e tyre përmes pyetjeve që ata kanë parashtruar dhe në fund janë shprehur të kënaqur nga përgjigjet dhe njohuritë që kanë marr gjatë këtyre prezantimeve.
“Policia e Kosovës njësitet Policia në Komunitet nga stacioni Policor i Gjilanit do të vazhdojnë me këso cikle ligjërata për vetëdijesimin e nxënësve në këto tema të lartcekura”, ka thënë zëdhënësi Hashani.
