Policia kontrollon një veturë, gjen në bagazh 10 thasë duhan të grirë (i papërpunuar)

Në Pikëkalimin kufitar në Vërmicë, Policia e Kosovës në bashkëpunim me Doganën e Kosovës kanë kontrolluar një veturë të një të dyshuari dhe gjatë kontrollit më të detajuar, në bagazhin e veturës është gjetur duhan i grirë ( i papërpunuar), 10 thasë.

Raporti I policisë:

Me datë 17.01.2020 rreth orës 18:00, në Pikëkalimin kufitar në Vërmicë, Policia e Kosovës në bashkëpunim me Doganën e Kosovës, pas dyshimeve të ngrituara lidhur me një veturë që drejtohej nga një person i dyshuar, të njëjten e kanë selektuar për kontrollë në vijën e dytë.

Gjatë kontrollit më të detajuar në vijën e dytë, në bagazhin e veturës është gjetur duhan i grirë ( i pa përpunuar), 10 thasë.
Është bërë matja nga kompetentët e Doganës ku duhani ka rezultuar me peshë 107 kg. Dogana e Kosovës është marr me rastin. /2LONLINE.com/