Policia kërkon vëmendje të shtuar nga drejtuesit e automjeteve kur vozisin në afërsi të shkollave
Drejtoria Rajonale e Policisë Gjilan apelon te të gjithë pjesëmarrësit në trafik, veçanërisht tek drejtuesit e automjeteve, që gjatë lëvizjes në afërsi të shkollave të shtojnë kujdesin, të respektojnë kufizimet e shpejtësisë dhe rregullat e komunikacionit, duke pasur parasysh praninë e shtuar të fëmijëve dhe nxënësve në trafik.
Vëmendje:
- Vëmendje e shtuar kur vozitni pranë shkollave
- Ngadalësoni shpejtësinë e lëvizjes gjatë ngasjen së mjetit në zonën e shkollës
- Zonat më të sigurta shkollore fillojnë me ju
- Siguria rrugore është përgjegjësi për të gjithë
- Ndiqni gjithmonë praktikat e sigurta gjatë ngasjes, veçanërisht në zonat shkollore