Policia ka arrestuar deputetët Ismajl Kurteshi e Haxhi Shala

Deputeti i Lëvizjes Vetëvendosje Ismajl Kurteshi është arrestuar. Atë e kanë nxjerrë jashtë ndërtesës së Kuvendit dy policë me rroba civile. Pak më herët ishte arrestuar edhe Haxhi Shala.

Në njërën anë opozita u përjashtua jashtëligjshëm nga Kuvendi, kurse në anën tjetër deputetët e saj po arrestohen.

Pushtetit nuk po i pengon opozita vetëm në Kuvend por edhe në rrugë. Manifestimi i fundit e ka frikësuar pushtetin deri në atë masë sa që ai po përdor mjetin e fundit: dhunën dhe represionin.

Lëvizja VETËVENDOSJE! kërkon lirimin e menjëhershëm të deputetëve dhe aktivistëve të tjerë të arrestuar, thuhet në komunikatën e Lëvizjes vetëvnedosje.