Policia fillon sot fushatën vetëdijësuese “Mirë se erdhët në Republikën e Kosovës!”

Policia e Kosovës, sot në ora 11:00, në Pikë Kalimin Kufitar në Merdar, fillon së zbatuari fushatën vetëdijësuese “Mirë se erdhët në Republikën e Kosovës!”, që u kushtohet bashkatdhetarëve tanë.

Hapja e fushatës do të bëhet nga drejtori i Divizionit të Trafikut, i cili do të shpalos detaje për angazhimet policore, masat parandaluese dhe shpërndarjen e broshurave lidhur me fushatën që lidhet kryesisht me sigurinë në trafik.

Broshura (fletë-palosja) përmban disa këshilla njoftuese rreth pjesëmarrjes në trafik si dhe udhëzimet praktike që çdo pjesëmarrës duhet t’i ketë parasysh me të hyrë në Republikën e Kosovës.  /2LONLINE/