Policia e Rajonit të Gjilanit: Raportohen raste të posedimit të paautorizuar të narkotikëve, personit të zhdukur dhe aksidentit të trafikut

Në statistikat e Policisë Rajonale të Gjilanit janë regjistruar raste të posedimit të paautorizuar të narkotikëve, personit të zhdukur dhe aksidentit të trafikut,  transmeton 2LONLINE.com.

Këto raste janë regjistruar në Bilinicë e Uglar të Gjilanit si dhe në Bushnicë të Novobërdës.

INCIDENTET KRIMINALE

POSEDIM I PAAUTORIZUAR I NARKOTIKËVE

Fsh. Bilincë, Gjilan, 16.04.2023-23:37. Është arrestuar i dyshuari mashkull  kosovar pasi që njësitet policore gjatë bastisjes në banesën e tij kanë gjetur dhe konfiskuar një qese plastike me substancë të dyshuar narkotike të llojit marihuanë, në peshë 24-gramë. Me vendim të prokurorit, i dyshuari është dërguar në mbajtje.

RASTET TJERA – NGJARJET:

PERSON I ZHDUKUR

Fsh. Bushnicë, Novobërdë, 15.04.2023-12:30. Ankuesi mashkull kosovar me 16.04.2023 ka raportuar se, viktima mashkull kosovar-babi i tij ka dalë nga shtëpia dhe nuk dihet vend-ndodhja e tij. Lidhur me rastin është informuar edhe prokurori, ndërsa njësitet policore janë duke hetuar rastin.

AKSIDENT TRAFIKU ME LËNDIME

Fsh. Uglar, Gjilan, 16.04.2023-17:15.  Një veturë me targa vendore dhe një motoçikletë, me drejtues meshkuj  kosovar janë përfshirë në aksident trafiku. Si pasoj e aksidentit lëndime trupore ka pësuar drejtuesi i motoçikletës. I lënduari pas pranimit të tretmanit mjekësorë është liruar.   /2LONLINE/