Policia e Rajonit të Gjilanit: Raportohen raste të dhunës në familje, vdekje e dyshuar, vjedhje e aksident trafiku me lëndime

Në statistikat e Policisë Rajonale të Gjilanit janë regjistruar raste të dhunës në familje, vdekje e dyshuar, vjedhje e aksident trafiku me lëndime,  transmeton 2LONLINE.com. Këto raste janë regjistruar në Novobërdë dhe Gjilan.

INCIDENTET KRIMINALE

DHUNË NË FAMILJE

Novobërdë 19.03.2023-13:00. Ankuesja femër kosovare ka njoftuar se pas një mosmarrëveshje është sulmuar fizikisht nga e dyshuara femër shtetase e Shqipërisë. Me vendim të prokurorit rasti  vazhdon të hetohet në procedurë të rregullt.

VDEKJE E DYSHUAR

Gjilan 19.03.2023-07:30. Raportohet se viktima mashkull kosovar është gjetur pa shenja jete në  shtëpinë e tij. Në vendngjarje kanë dal njësitet përkatëse, me vendim të prokurorit, trupi i pajetë është dërguar në IML për obduksion. Rasti nën hetime.

VJEDHJE

Rr. Avdullah Presheva, Gjilan 19.03.2023 – 11:15. Është arrestuar i dyshuari mashkull kosovar nën dyshimin e bazuar se ka kryer vjedhje në disa lokacione të ndryshme.  Me vendim të prokurorit i dyshuari është dërguar në mbajtje.

RASTET TJERA – NGJARJET:

AKSIDENT TRAFIKU ME LËNDIME

Rr. Mulla Idrizi, Gjilan 19.03.2023-18:25 Drejtuesi i veturës mashkull kosovar derisa ishte duke drejtuar veturën e tij me targa vendore, ka humbur kontrollin mbi veturën duke dalur nga rruga dhe është përplasur në murin e një shtëpie. Si pasojë e aksidentit lëndime trupore ka pësuar pasagjerja femër kosovare e cila pas pranimit të tretmanit mjekësorë është liruar. /2LONLINE/