Policia e Kosovës takon Këshillin Lokal për Siguri Publike në Gjilan
Drejtoria Rajonale e Policisë, Njësiti i policisë në Komunitet nga stacioni policor në Gjilan, në vazhdën e aktiviteteve dhe detyrave sot ka mbajt takim me Këshilli Lokal për Siguri Publike (KLSP), nga lagja “Abdullah Presheva” në Gjilan.
Në takim është diskutuar gjendja e sigurisë në lagje dhe aktivitetet policore me qëllimin të ndikimit sa më pozitiv në aspektin e parandalimit të dukurive negative dhe atyre kriminale.
Gjithashtu gjendja e sigurisë në këtë lagje dhe raportet e mira ndër-etnike janë vlerësuar të kënaqshme nga përfaqësuesi i komuniteti rom z. Fadil Demirović, i cili u shpreh i kënaqur me punën dhe angazhimet e Policisë së Kosovës në ofrimin e sigurisë në lagjen tyre.
“Policia e Kosovës punon dhe vepron për krijimin e një ambienti të qetë dhe prosperues për të gjithë qytetarët e vet”, ka thënë zëdhënësi i policisë, toger Ismet Hashani. /2LONLINE/