Policia e Kosovës shton kontrollin me njësitin e motoçikletave

Me ardhjen e sezonit veror, njësitë policore të pajisura me motoçikleta kanë intensifikuar aktivitetet e tyre në terren për mbikëqyrjen dhe kontrollin e trafikut rrugor.

Ky angazhim i shtuar ka për qëllim rritjen e sigurisë në komunikacion dhe parandalimin e shkeljeve të rregullave të trafikut.

Sipas autoriteteve policore, fokus i veçantë i kontrolleve do të jenë përdoruesit e mjeteve me dy rrota, të cilat gjatë periudhës së verës janë më të pranishme në rrugë.

Autoritetet policore u bëjnë apel të gjithë pjesëmarrësve në trafik që të tregojnë kujdes të shtuar, të respektojnë rregullat e trafikut dhe të kontribuojnë në ruajtjen e sigurisë në rrugë.  /2LONLINE/