Policia e Kosovës në zbatim të projektit “Së bashku kundër dukurive negative dhe bullizmit në shkolla”

Policia e Kosovës njësiti i policisë në Komunitet nga stacioni policor në Gjilan kanë  mbajt ligjeratë me nxënës të  klasave të VII, të shkollës fillore “Thimi Mitko” në Gjilan.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se tema e ligjëratës ka qenë: “Dukuritë Negative në Shoqëri-Bullizmi” .

“Ligjërata është përkrahur edhe nga drejtoria e kësaj shkolle dhe psikologe-ja e shkollës  e cila ka qene e pranishme edhe gjatë ligjërimit”, ka thënë ai.

Sipas Hashanit, poashtu nga ana e nxënësve ka pasur interesim të jashtëzakonshëm, të cilët gjatë gjithë kohës ishin aktiv dhe kanë parashtruar edhe pyetje të shumta.

“Policia e Kosovës është e përkushtuar për ambient të qetë dhe prosperues për të gjithë qytetarët”, ka thënë zëdhënësi i PK-së, Ismet Hashani. /2LONLINE.com/