Policia e Gjilanit: Raportohen raste të dhunës në familje, posedim të narkotikëve, arrestimit, aksidentit të trafikut…

Në statistikat e Policisë Rajonale të Gjilanit  janë regjistruar raste të dhunës në familje, posedim të narkotikëve, arrestimit, aksidentit të trafikut…, transmeton 2LONLINE.com.

Raporti i policisë:

INCIDENTET KRIMINALE

DHUNË NË FAMILJE

Gjilan 14.10.2022-23:30. Është arrestuar i dyshuari mashkull kosovar pasi që dyshohet se i njëjti ka ushtruar dhunë psikike dhe fizike ndaj viktimës femër kosovare me të cilën bashkëjeton. Sipas viktimës, i dyshuari po ashtu edhe e ka kanosur atë. Viktimës i është ofruar tretman mjekësor, ndërsa i dyshuari me urdhër të prokurorit është dërguar në mbajtje.

POSEDIM I SUBSTANCAVE NARKOTIKE

Rr. Skifter Arifi, Gjilan 14.10.2022-16:25 Është arrestuar i dyshuari mashkull  kosovar pasi gjatë kontrollit te i njëjti janë gjetur në posedim dhe konfiskuar 1.67 gr substancë e dyshuar narkotike e llojit marihuanë. Me vendim të prokurorit i dyshuari është liruar, rasti vazhdon në procedurë të rregullt.

RASTET TJERA – NGJARJET:

AKSIDENT TRAFIKU ME LËNDIME

Rr. Haki Miderrizi, Gjilan 14.09.2022-14:40 Lëndime trupore kanë pësuar dy meshkuj  kosovarë – këmbësor, pasi të njëjtit janë goditur nga një veturë në lëvizje të cilën e drejtonte i dyshuari mashkull kosovar. I dyshuari me veturë ka goditur edhe një veturë e cila ishte e parkuar, e pastaj ishte përplasur në një lokal afarist. Të lënduarit janë dërguar në tretman mjekësor.

GJETJE E MJETIT SHPËRTHYES

Fsh. Pozheran, Viti 14.10.2022 – 12:00. Ankuesi mashkull  kosovar ka informuar se ka hasur në një mjet të dyshuar shpërthyes – granatë dore. Njësia për deminim e FSK ka bërë asgjësimin e mjetit. Nuk raportohet për ndonjë incident.

ARRESTIM I PERSONIT TË KËRKUAR

PKK-Merdare 14.10.2022-20:40 Në bazë të urdhëresës së lëshuar nga gjykata është arrestuar dhe dërguar në vuajtje të dënimit i kërkuari mashkull kosovar. /2LONLINE/