Policia e FSK-ja, pjesë e kampingut të fëmijëve të kopshtit “Fjolla”
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se Policia e Kosovës bashkë me FSK-në, marrin pjesë në aktivitetet në kampingun e organizuar në fshatin Bukovik, bashkë me fëmijët e kopshtit “Fjolla”.
“Njësiti i policisë së Kosovës ,”Policia në komunitet” dhe ai sektorial sot me 07 qershor 2021 kemi qenë pjesë e kampingut të fëmijëve nga kopshti “Fjolla” në Gjilan. Kampingu veror është mbajt në fshatin Bukovik dhe është përcjellë me një sërë aktivitetesh sportive dhe lojëra me 60 fëmijët e këtij kopshti”, ka thënë zëdhënësi Hashani.
Ai tha se Policia e Kosovës dhe FSK- ja kanë realizuar disa nga aktivitetet e përbashkëta me këta fëmijë të cilët gjatë gjithë kohës janë ndier të kënaqur. /2LONLINE.com/