Policia: Dërgohen në mbajtje gjashtë të dyshuar, pas incidentit të djeshëm në Podujevë

Policia e Kosovës ka arrestuar dje 21 të dyshuar pas lojës mes Llapit dhe Ballkanit e zhvilluar në Podujevë, e në një informacion shtesë është bërë e ditur se gjashtë të dyshuar janë dërguar në mbajtje.

Informacion shtesë:

Njësiti i Hetimeve të Përgjithshme (NjHP), që operon në rajonin e Prishtinës, ka punuar intenzivisht për zbardhjen e të gjitha rrethanave që ndërlidhen me  incidentin e djeshëm në Podujevë.

Pas  ekzaminimeve, veprimeve hetimore dhe sigurimit të provave  është iniciuar rast për  Pjesëmarrje në turmë që kryen vepër penale dhe huliganizëm.

Vepër kjo për të cilën hetuesit e NjHP-së, pas intervistimit, me vendim të prokurorit, kanë  dërguar në qendrën e mbajtjes pesë persona  të dyshuar:

-A.Sh. mashkull, 21 vjeç dhe

-E.K, mashkull, 23 vjeç,

-E.Sh, mashkull, 26 vjeç,

-M. V, mashkull, 21 vjeç, dhe

-E.K, mashkull, 21 vjeç,

Ndërsa për Asgjësim apo dëmtim të pasurisë në qendrën e mbajtjes, nga zyrtarët e Podujevës, është dërguar i dyshuari:

A.Sh, mashkull, 16 vjeç.

Hetuesit policor në vazhdimësi janë duke  ndërmarrë veprime hetimore me qëlim të identifikimit dhe procedimit  e të gjithë të dyshuarve të përfshirë në këtë ngjarje, thuhet në njoftimin e policisë.  /2LONLINE/

Shoqërohen në stacion policor 21 persona të përfshirë në një incident të ndodhur në Podujevë